الأحد، 20 مارس 2011

مش عارف (يوميات واحد اعرفه )

انا بصراحه مش عارف اقول ايه , او ابتدي ازاي , لاني دلوقتي بمر باصعب ايام حياتي كلها
اول مره في حياتي اعمل حاجه واحس اني حندم عليها , مش عارف اسكت واطنش او اكبر دماغي , مش عارف اشوف حاجه غلط واسكت عليها , واسكت عليها بدافع الثقه , عمر الثقه ماكنت اني اشوف حاجه غلط واسكت عليها , ولا اني اشوف اللي بحبها بتكلم ناس تانيه او بتهزر معاهم واسكت وده لاني بثق فيها ! معقوله فيه حد يعمل كدا يسكت اما يشوف حاجه زي دي بدافع الثقه , لو كانت دي الثقه يبقي انا مش بثق فيها خالص .
ابا بحبها اوي اوي اكتر من اي حاجه في الدنيا , بس عمري ما حقدر استحمل اللي هيا بتعمله ده , ومتهيالي ناس كتير زيي , لا ولا ايه كنت بكلمها في العربية و كدا يعني لقيتها باصه الناحيه التانيه قالي ايه علشان الهوا ! ... بزمتكم اي حد يحصل معاه الموقف ده حيحس بايه ؟ .... اكيد حيحس بانها مش عايزه تكلمه او مخنوقه منه.... ولا ايه؟
والمشكله انها اللي زعلت ... وكمان لو انا غلطان في انها مش عايزه تكلمني كانت كلمتني حتي لو هيا باصه الناحيه التانيه علشان احس انها فعلا باصه علشان الهوا.... ولا انتوا مش معايا
مش تقعد ساكته وبعدين اما تزهك من السكوت تيجي تكلمك ... وعايزاك تكلمها.... وكأن الكلام ده في الوقت اللي تحبه وبالطريقه اللي تحبها.... يعني مافيش احترام للشخص اللي قدامها
انا تعبت صراحه من ده كله ..... وقلتلها اني مش حقدر اكمل علي كدا
والقرار في ايديها .... واكيد لوبتحبني حتتغير .... مع اني ماانكرش اني ساعات ببقي غلط
بس الحل بردوا في ايديها .... وانها كمان تبطل تنشيف الدماغ
انا مستنيها تقولي انها حتحاول
مستنيها تقولي انها بتحبني بجد ... وان الكلام اللي سمعته منها قبل كدا .... ان انا ممكن اعمل علشان كذا وكذا يبقي حقيقيه علي ارض الواقع
مش كلام وبس

0 التعليقات:

ISIS © 2008 Por *Templates para Você*