الأربعاء، 10 نوفمبر، 2010

ساكته ليه؟!


طب ساكته ليه؟

هو السكوت معناه رضا

ولا بإن ده قضا

والإعتراض ممنوع عليه

طب ساكته ليه؟

هو السكوت د من الخرس

ولا إنتي خايفه من الحرس

والخوف د .موت بنحيا بيه

طب ساكته ليه؟

ساكته عشان تخفي الآلام

ولا عشان مافيش كلام

ومافيش جديد تاني تقوليه

طب ساكته ليه؟

ساكته عشان الحلم ضاع

ولا عشان الشاري باع

حتي اللي عشمك كله فيه

طب ساكته ليه؟

ساكته عشان قصوا اللسان

ولا إنتي أدمنتي الهوان

كاسك ولازم تشربيه

طب ساكته ليه؟

ياللا ارفضي ياللا إنفضي

ياللا إقلعي التوب الردي

وتوبك ياحُره إلبسيه

طب ساكته ليه؟

ليه سكوتك ياما طال

ياما جاوبي ع السؤال

ليه في قلبك تكتميه

طب ساكته ليه ؟

طب ساكته ليه ؟!

2 التعليقات:

ISIS © 2008 Por *Templates para Você*