الأحد، 31 أكتوبر 2010

ابتسم

سيرة الحب


طول عمرى باخاف من الحب وسيرة الحب

وظلم الحب لكل أصحابه



وأعرف حكايات مليانه آهات ودموع وأنين

والعاشقين دابوا ما تابوا



طول عمرى بأقول لا أنا قد الشوق وليالى الشوق

ولا قلبى قد عذابه



وقابلتك انت لقيتك بتغير كل حياتى

ما أعرفش إزاى حبيتك ما أعرفش إزاى ياحياتى

من همسة حب لقيتنى باحب وأدوب فى الحب

وصبح وليل على بابه



****



فات من عمرى سنين وسنين شفت كتير و قليل عاشقين

اللى بيشكى حاله لحاله واللى بيبكى على مواله

أهل الحب صحيح مساكين



ياما الحب نده على قلبى ما ردش قلبى جواب

ياما الشوق حاول يحايلنى واقول له روح يا عذاب

ياما عيون شاغلونى لكن ولا شغلونى

إلا عيونك انت دول بس اللى خدونى

وبحبك أمرونى



أمرونى احب لقيتنى باحب وأدوب فى الحب

وصبح وليل على بابه



****



ياللى ظلمتوا الحب وقلتوا وعدتوا عليه

قلتوا عليه مش عارف إيه



العيب فيكم يا فى حبايبكم

أما الحب ياروحى عليه



فى الدنيا ما فيش أبدا أبدا أحلى من الحب

نتعب نغلب نشتكى منه لكن بنحب

ياسلام ع القلب وتنهيده فى وصال وفراق

وشموع الشوق لما يقيدوا ليل المشتاق

يا سلام ع الدنيا وحلاوتها فى عين العشاق

أنا خدنى الحب لقيتنى باحب وأدوب فى الحب

وصبح وليل على بابه



****



يا اللى مليت بالحب حياتى أهدى حياتى إليك

روحى..قلبى..عقلى..حبى كلّى ملك ايديك

صوتك..نظراتك..همساتك شىء مش معقول

شىء خللى الدنيا زهور على طول وشموع على طول

الله ياحبيبى على حبك وهنايا معاك الله يا حبيبى يا حبيبى الله الله

ولا دمعة عين جرحت قلبى ولا قولة آه

ما بقولش فى حبك غير الله الله يا حبيبى على حبك الله الله

من كتر الحب لقيتنى باحب وأدوب فى الحب وصبح وليل على بابه

الأربعاء، 27 أكتوبر 2010

موعود


موعود معايا بالعذاب موعود ياقلبى

موعود ... ودايما بالجراح ... موعود ياقلبى

ولا بتهدا ... ولا بترتاح .. فى يوم يا قلبى

عمرك ما شفت معايا فرح

كل مره ترجع المشوار بجرح

والنهار ده ...جى تقول انسى الاهات

جى تقوللى ..يا للا بينا الحب فات

وميل وحدف منديله

كاتب على طرفه اجيله

وامانه يادنيا امانه

تخدينا للفرحه امانه

وتخلى الحزن بعيد عنا

وتقول للحب استنى استنانا

تانى ..... تانى ح نروح للحب تانى

والنار والعذاب ...من تانى

تانى ..تانى ... تانى ح نروح للحب تانى

ونضيع .. ونجرى ورا الامانى

ويغيب القمر ونعيش السهر

واهات الالم فى ليالى الندم

ياليل .. يا حضن السهارى

ياللى شفت فى عينه الدموع

وانا دايما راجع وحيد

ياليل يا حضن السهارى

خلى فجر الحب يطلع .. بدرى يمشى مشوارنا الطويل

وامانه يادنيا امانه تخدينا للفرحه

امانه وتخلى الحزن بعيد عنا

وتقولى للحب استنى استنانا

وابتدا المشوار واه يا خوفى من اخر المشوار

جنه واللا نار اه ياعينى

رايح وانا محتار واتقابلنا

والحياه قدام عنينا حلوة

واتقابلنا والكلام فوق الشفايف غنوة

كل حاجه فكرت فيها

فى لحظه واحده ردت عليها بنظره حلوه من عينها

الامان فى عنيها حسيت ... انى عديت للامان

الحنان خد منى واد فى .. ياللى محروم من الحنان

والقمر طلع والخوف رجع والهوى

دفىء والليل سمع امانه يادنيا

امانه تخدينا للفرحه امانه

وتخلى الحزن بعيد عنا

وتقول للحب استنى استنانا

شوف بقينا فين ياقلبى وهى راحت فين

شوف خدتنا لفين ياقلبى

وشوف سا بتنا فين يا قلبى

فى سكه زمان راجعين فى سكه زمان

فى نفس المكان ماشين فى نفس المكان

لا جراحنا تهدأ يا قلبى ولا تنسى اللى كان

بتصحى الطريق خطاوينا

وانين السنين والسما بتبكى علينا

والناى الحزين حتى نجوم ليالينا

والقمر غايبين ... وتانى .. تانى

راجعين انا وانت تانى

للنار للعذاب ..من تانى راجعين للحيرة

تانى ضايعين بنجرى ورا الامانى

وامانه يادنيا ... امانه

تداوينا من جرح هوانا

وتخلى الحب بعيد عنا

ولا نستناه... ولا يستنا امانه

زى الهوى


زى الهوى ياحبيبى واه من الهوى ياحبيبى

وخدتنى من ايدى يا حبيبى ومشينا

تحت القمر غنينا وسهرنا وحكينا

وف عز الكلام سكت الكلام

واتارينى ما سك الهوى بأيديا

اه من الهوى ياحبيبى واه من الهوى

وحدتنى ومشينا والفرح يضمنا

ونسينا يا حبيبى فين انت وفين انا

نسيت ان هوانا حايعيش مليون سنه

بقيت وانت معايا الدنيا ملك ايديه

وامر على هوايا تقول امرك ياعينى

وف عز الكلام سكت الكلام

واتارينى ماسك الهوى بأ يديه

واه من الهوى يا حبيبى

خايف ومشيت وانا خايف

ايدى ف ايدك وانا خايف

خايف على فرحه قلبى

خايف على شوقى وحبى

وياما قلت لك انا واحنا فى عز الهنا

وقلت لك يا حبيبى

لا نا قد الفرحه دى وحلاوه الفرحه ديه

وخايف ف يوم وليله ما لقكش بين ايديه

واه من الهوى يا حبيبى

واه من الهوى ورحت طاير طاير

وفتنى يا حبيبى وقلبى حاير حاير

وقلت له انا راجع بكره انا راجع

فضلت مستنى بأمانى .... ومالى البيت

يالورد ...بالشوق .. بالحب بالاغانى

يا حبيبى الشمع قايد باحلى كلمه فوق لسانى

رددنا الغنوه الحلوه ...الحلوه سوى

ودبنا مع نور الشمس ودبنا سوى

وف لحظه لقيت زى دوامه الهوى

رميت الورد طفيت الشمع

والغنوه الحلوه ملاها الدمع ياحبيبى

وف عز الامان ضاع منى الامان

واه م الهوى ياحبيبى اه م الهوى

الثلاثاء، 26 أكتوبر 2010

حكايتى مع الزمان


كان ده كان إسمه حبيبي كان يوم من نصيبى

ضحيت بعمرى معاه مشوار إسمه الحياة و كان

أنا اللى بينكم هنا رضيت بالعذاب لحد ما قلبي

داب ولا شوفت يوم هنا أنا و أنا ياما إتحملت

أنا قاسيت ولا إشتكيت ولا جيت فى يوم بكيت

منه ليكم هنا أنا لا عتاب حيشفى جراح و لا

حيجيب اللى راح دى حكايتى مع الزمان

رسم لى على السما جنة فيها الهنا و قال حنعيش

هنا قلت إحلوت سنينى و بنالى فى الخيال

قصور من الآمال و قال مفيش محال نمت

و غمضت عينى و مرت الأيام و صحيت

مالقيتش غير آلام و عذابى مستنينى و أنا

اللى بينكم هنا مش عارفة رايحة فين و لا

فاكرة جاية منين جابنى الطريق هنا أنا

و أنا ياما إتحملت أنا دموع ماتنتهيش لو فات

مليون سنة أنا لا عتاب حيشفى جراح و لا

حيجيب اللى راح دى حكايتى مع الزمان

































الاثنين، 25 أكتوبر 2010

نبتدى منين الحكاية

لو حكينا يا حبيبي نبتدى منين الحكاية

دحنا قصة حبنا ليها أكثر من بداية

عشنا فيها ياما عشنا شفنا فيها ياما شفنا

لكن مشينا و كملنا مشوار الحب و وصلنا و الدنيا

ما قدرت تعاندنا و تفرق بينا و تبعدنا

تعال تعال نقول لغيرنا أنا و انت ازاى قدرنا

نبعد عن أى عذاب و نعيش على طول أحباب

نحضن فرحتنا سوا و نخلى الحب شباب

و قابلنا انا و انت فى مشوارنا

حاجات كثيرة جرحت غيرنا

الغيرة و ظنونها و اللى بيجرى منها

فى يوم ما قربت منها بعدنا حبنا عنا

و قابلنا الحاسدين و شافونا

و لا هانش عليهم يفوتونا

و قالوا علينا ياما قالوا

و هوانا و لا تغير حاله

و تسافر أسافر و أيام يطول السفر

و قلوبنا بتتقابل مع كل طلعة قمر

تعال .. تعال نقول لغيرنا

أنا و انت ازاى قدرنا

نبعد عن أى عذاب و نعيش على طول أحباب

نحضن فرحتنا سوا و نخلى الحب شباب

و فـ لحظة وقفنا و ابتدا خوفنا

و لقينا حوالينا الدنيا ضباب و ليل و قلب جريح

زى أوراق الشجر وقت الخريف رماها الريح

سألنا روحنا ليه أكثر من حبنا إيه

لكن ما طالش الخوف بينا

و عرفنا .. و شفنا .. و حسينا

انت شايف الحب كله

عيون و همس ، لكن انا شايف

الأحد، 24 أكتوبر 2010

اى دمعه حزن


اى دمعه حزن .....لا

اى جرح ف قلب ...لا

اى لحظة حيرة ....لا

حتى نار الغيره ....لا

عايشين سنين احلام دايبين فى احلى كلام

لا عرفنا لحظه ندم ولا خوف من الايام

وقلبى دق ..دق.. دق قلت مين ع البيان دق

قاللى افتح ده الزمان قلت له .. ياقلبى ؛ لا

جى ليه يازمان بعد ايه يازمان

من كام سنه قلبى وانا عايشين هنا من كام سنه

من كام سنه قلبى وانا بتضمنا من كام سنه

وقال ايه .. جى الزمان يداوينا من ايه ...جى يازمان تداوينا

والامل فى عنينا والفرح حوالينا

سأل الزمان .. وقال ايه غير الاحوال

قلنا له جينا وارتحنا ونسينا

والله جينا وارتحنا و نسينا

الجرح بتاع زمان

احنا اللى امنا الزمان احنا وخدمنا الامان وجرحنا

واحنا اللى طاوعناه ... احنا وعمره فى يوم ...ما ريحنا

ولاملامه علينا .. لا ملامه داحنا تعبنا ... وسهرنا ياما

واما نادينا عليه يداوينا عمره ما فكر فى يوم يجينه

وادينا عايشين وبقينا عايشين

لا جرح فى قلوب ولا دمع حزين

من يوم ما دق الحب بابنا والربيع ... نور شبابنا

وادينا عايشين وبقينا عايشين

وقال ايه ..جى الزمان يداوينا من ايه ...جى يازمان تداوينا

والامل فى عنينا والفرح حوالينا

سأل الزمان وقال ايه غير الاحوال

قلنا له جينا وارتحنا ونسينا

والله جينا وارتحنا ونسينا

الجرح بتاع زمان

فى ليله مش ناسيها سهران الفرح فيها

جانى الامانى ومعاه هديه فرحت بيها

حبيبى الاولانى سافرت كتير معاه

يأحلامى فى هواه

سقيته من حنانى وبنيت معاه امانى

وقلت ياريت يادنيا تدينى عمر تانى

وصحيت على العذاب لقيت الفرح غاب

والحب ياعينى داب اتارى الزمان كذاب

وقدرت يازمان فى رحله النسيان

انسى اللى كان وارتاح وابعد عن الاحزان

وادينا عايشين وبقينا عايشين

لا جرح فى قلوب ولادمع حزين

وقال ايه جى الزمان يداوينا من ايه ...جى يازمان تداوينا

والامل فى عنينا والفرح حوالينا

يسأل الزمان ...وقال ايه غير الاحوال

قلنا له جينا وارتحنا ونسينا

دا حنا جينا وارتحنا ونسينا

الحزن بتاع زمان

شوف الدنيا ياقلبى ...حلوه ازاى بالحب

عمرك شفت الفرحه غير فى عيون بتحب

عمرك شفت قمر سهران غير للعشاق

ولا نجمه جايبه كلام غير للعشاق

كل العاشقين زينا عايشين

لا جرح فى قلوب ولا دمع حزين

وقال ايه جى الزمان يداوينا من ايه .. جى يازمان تداوينا

دا الامل فى عنينا والفرح حوالينا

سأل الزمان وقال ايه غير الاحوال

قلنا له جينا وارتحنا و نسينا

دا احنا جينا وارتحنا ونسينا

الجرح بتاع زمان

الخميس، 21 أكتوبر 2010

حاول تفتكرني


انا اللى طول عمرى باصدق كلام الصبر فى المواويل

وانا اللى طول عمرى باقول الحب عمره طويل

من كنز ما كان الحب واخدنا وكل حلاوه الدنيا فى ايدينا

لا فكرنا زمان يعاندنا ولا ايام تقدر تبعدنا

وعشنا الحب بالايام وكل بكره فيه احلام

واتارى كل دا اوهام وسافر من غير وداع

فات فى قلبى جراحه

وبت فى ليل السهر والعيون ماارتاحوا

سافروا من غير وداع فاتوا قلبه وراحوا

دوبوه فى السهر والعذاب وارتاحوا

ومنين نجيب الصبر يا اهل الله يداوينا

واللى انكوى بالحب قبلينا يقول لينا

ياللى بعدنا زمان ومكان وقاسينا يا روحى سنين

قبل ماتيجى تنام فى امان فكر فيه دقيقتين

يا ما دبنا فى حلاوه ودوبنا ياما نار حرقت فى قلوبنا

دى ليالى عشناها ابدا مش ح انساها

على بالى يا حبيبى على بالى على بالى ايام وليالى على بالى

على بالى ليل ونهار وانت على بالى

حبيبى والله لسه حبيبى والله حببى .. مهما تقسى حبيبى والله

حبيبى ... عمرى ما انسى حبيبى والله

ابقى افتكرنى .... حاول تفتكرنى .. دى ليالى عشناها

لو فى طريق مشينا مره فيه

اوعديت بمكان .. كان لينا ذكرى فيه

ابقى افتكرنى .. حاول تفتكرنى ..دى ليالى عشناها

بعدنا ... بعدنا ليه ..تعبنا .. قول من ايه

م الشك ياعنيه - من كلمه قالوها عليه

م الغيره ياعنيه - دى الميزه يا ما عملت فيه

ابقى افتكرنى - حاول تفتكرنى - دى ليالى عشناها

م الليالى ..الليالى - من بعدك واللى جرالى

سهرنى الشوق - دوقنى الشوق - طعم الحرمان فى الليالى

ياما ايام ضاعت ياسلام - فى عذاب والام سهران ما ينام

قضيت الليل - مع قمر الليل - ونجوم الليل - نحكى فى كلام

ياما قلت عنك - وغلبت شكوى منك - وحاة الغالى عندك

ابقى افتكرنى - حاول تفتكرنى - دى ليالى عشناها

ابدا مش حا انساها - على بالى

تعالى - خلى الشمس مع ابتسامتنا - تطلع وتنور دنيتنا

تعالى - ليه نقول ان الفراق مكتوب علينا - والحياه قدامنا

ليه نسلم نفسنا لليأس - ونقول انظلمنا

تعالى - واللى بيننا ياحبيبى - فوق جراحنا - وفوق الامنا

واللى بينا يا حبيبى اقوى من قسوه زمانا

تعالى ... ياللى وانت بعيد معايا - نفسى يوم تسمع ندايا

وان ما قدرتيش تيجى - بعدت زمانى وتسلم

ابقى افتكرنى ... حاول تفتكرنى

الأربعاء، 20 أكتوبر 2010

مداح القمر


عاشق ليالى الصبر مداح القمر

عشق العيون السمر غوانى السهر

لولا النهار فى جبينك لولا الورود فى خدودك

لولا الامان فى وجودك لا كنت هويت و لا حبيت

ولا حسيت بطعم الحب يا عمرى

قدك المياس يا عمرى ايقظ الاحساس فى صدرى

انت احلى الناس فى نظرى جل من سواك ياعمرى

يا شعر ليل ياليل ياليل وفارد ضفايرك على القمر

ياابو ضحكه حلوه منوره ليل السهر ياليل ياليل

ياللى حسنك خلى دقات القلوب بتقول اهات

يا ما قاللى اشعار كثيرة

وحكايات وليلاتى بيحكوا فى هواهم

وكلام على الرمش اللى رماهم

وليل يطول وياهم ويقرب لفرحه عمرى

عينى يا عينى ياعينى عينى عليك

كل القلوب بتدوب حواليك يا عينى

اما انا " وجدى انا " با شوفك بس بعيون غير عيون الناس

واحبك بكل ما فى القلب من احساس

اما انا وحدى انا باشوف الحزن متدارى

ورا الضحكه اللى فى عينك

وباسمع فى رنين صوتك شجن مالى لياليك

وياريت اللى كتير حبوكى كانوا يا خدوا عنيه يشوفوكى

كانوا بقلوبهم حبوكى زى ما حبيتك انا

موال موال عاشق بقيت موال

وقصتى بتنقال للناس والعاشقين

قالوا فى الموال .... قالوا على اللى صبر ونال

قالوا من بعد صبر سنين

قالوا دنا اللى قلبى خلاص ارتاح انا ..... انا

قالوا فى دنيا الافراح انا

ومشيت ياليل مشوار طويل

ولا قلت مره ده مستحيل

ومشيت على الشوق فرجعنى

لحد الحب ماطاوعنى مشيت

وبقيت انا والحلو حكايه

عمرها ما حتبقا لها نهايه

طول ماانتى يا حلوه معايا

حاتنوريلى ايام عمرى ..

عندما تفرقنا الأيام

و رحلت عنك بلا وداع

و طويت بين ضباب أيامي حكايات قديمة

أنشودة ذابت مع الأيام أو شكوى عقيمة

و تركت أيام الضياع

كانت تمزقني فلا أجد الصديق

وحدي هناك يشدني الجرح العميق

أواه يا قلبي أضعت العمر محترق الجراح

و أخذت تحلم كل يوم.. بالصباح

فتركت أيامي تضيع مع الرياض

يوما إلى الأحزان تأخذنا و آخر.. للجراح

* * *

و رحلت عنك بلا وداع

كم كنت أحلم يا رفيقي بالمساء

كم كنت أنسج قصة العشاق ترنو للقاء..

أو همسة تنساب في الأعماق تسري كالضياء..

أو رعشة الأيدي تعانقها الحنايا.. في السماء

أو موعدا أنسى به أحزاني..

أو بسمة تهتز في وجداني

أو دمعة عند الوداع ألومها

فغدا يكون لنا اللقاء الثاني..

* * *

و رأيت حبك في فؤادي يختنق

يهوى كما تهوى النجوم و يحترق

و رأيت أحلامي مع الشكوى.. تضيع

و شباب أيامي يذوب.. مع الصقيع

و لقد قضيت العمر أنتظر الربيع..

* * *

و رحلت عنك بلا وداع

و نسيت أحلاما تلاشت كالشعاع

حب قديم تاه منا في الضباب

أمل توارى في الليالي

أو تبعثر في التراب

عمر تبدد في العذاب

حتى الشباب

قد ضاع منا و انتهى عهد الشباب

أترى يفيد هنا العتاب؟!

أبدا ودعك من العتاب..

* * *

الآن أرحل عنك بالأمل الجريح

قد أستريح من الأسى قد أستريح

كم عشت أحلم يا رفيقي بالضياء..

و رأيت أحلامي تلاشت في الفضاء

فقتلت هذا الحب في أعماقي

و نسيت بعدك لوعة الأشواق

و غدوت أياما تفوح بسحرها

لتصير شعرا في رؤى العشاق..!

الثلاثاء، 19 أكتوبر 2010

رسايل الاسطى حراجى

(مجموعه رسايل الاسطى حراجى لزوجته فاطنه عبد الغفار)

...

الجوهرة المصونه

والدره المكنونه

زوجتنا فاطنه أحمد عبد الغفار

يوصل ويسلم ليها

في منزلنا الكاين في جبلايه الفار

أسوان ... الرسالة 1

أما بعد .. لو كنت هاودت كسوفي ع التأخير

سامحيني يا فطنه في طول الغيبه عليكم

وأنا خجلان .. خجلان .. وأقولك يا زوجتنا أنا خجلان منكم ..

من هنا للصبح ..

شهرين دلوقت ..

من يوم ما عنيكي يا فاطنه .. بلت شباك القطر ..

لسوعتي بدمعك ضهر يديَ

لحضتها قلت لك :

(( قبل ما عوصل عتلاقي جوابي جي ... ))

نهنهتي .. وقلتي لي بعتاب:

(( النبي عارفاك كداب .. نساي

وعتنسى أول ما عتنزل في أسوان .. ))

حسيت واليد بتخطفها يد الجدعان

بالقلب ف جوفي ما عارف ان كان بردان .. دفيان

والبت عزيزه والواد عيد

قناديل في الجوف .. زي ما بتضوي .. بيقيد ..

.......... والقطر إتحرك ..

وقليبي بينتقل من يد لإيد .

والقطر بيصرخ ويدَودِو

اتدلدلت بوسطي من الشباك ..

( خذي بالك م الولد .. راعي عزيزه وعيد )

والقطر صرخ ورمح لكإنه داس على بصة نار ..

ولقطت الحس قريب .. قد ما كنتي بعيد :

(قلبي معاك يا حراجي هناك في أسوان ..)

...........................

ورميت نفسي وسط الجدعان .. وبكيت ..

وبلدنا اللي كنا بنمشيها ف نص نهار

كان القطر في لحضه .. فاتها بمشوار .

سامحيني يا فطنه على التأخير ..

ولو الورقه يا بت الخال تكفي

لأعبي لك بحر النيل والله بكفيِ

وختاماً ليس ختام ..

بابعت لك ِ

ليكي ولناس الجبلايه ولبتي عزيزه والواد عيد

ألف سلام

زوجك ... لوسطى حراجي

***

أسوان

زوجي الغالي

لاوسطى حراجي القط

العامل في السد العالي

جبلاية الفار

الرسالة 2

زوجي حراجي ..

فوصلنا خطابك ..

شمينا فيه ريحة الأحباب .. ربنا ما يوري حد غياب ..

مش أول مره البسطاوي يخطي عتبة الدار ؟؟

عمرنا يا حراجي .. ما جلنا جواب .

النبي ساعة مرزوق البسطاوي .. ما نده ..

كده زي ما كون .. دقت في حشايا النار .

وكإن العمر بيصدق .. بعد ما كان كداب ..

اتأخرت مسافه كبيرة كبيرة علي

عارف فاطنه يا حراجي لاليها عايل .. ولا خي .

ليه تتأخر كده يا حراجي .. ؟

طب والنبي كأن ورقتك دي

أول قنديل بتهز ف جوف الدار .

أول ندعة ضو.

الدار من غيرك يا أيو عزيزه .. هو .

وعزيزه وعيد ..

من غيرك يا حراجي زي اليُتما في العيد .

الواد على صغره حاسس بالغربه والبعد .

ولا عاد حتى بيطلع يلعب في القمَارى مع الولِد .

اطلع وأخش .. أطلع وأخش القاه .. غيمان

وكأنه محروق له دكان .

ويقوللي : (( فين يامه أسوان .. ؟

وأبا سابنا ليه يا مه ؟ ما يمكن زعلان .. ؟ ))

شهرين يا بخيل ؟

ستين شمس وستين ليل ؟

النبي يا حراجيما أطول قلبك

لاقطع بسناني الحته القاسيه فيه

..........................

كل الجبلايه تسلم فرداً فرد ..

م الحاج ((( طِلب حامد )) لعيلة بيت (( علي سعيد ))

وانشالله يا حراجي ما يوريني فيك يوم

وانشالله تكون تعلمت ترد قوام .

ومادام احنا راسيين ع العنوان

والله ما حنبطل بعتان..

مفهوم..أسوان

زوجي الغالي

لاوسطى حراجي القط ..

العامل في السد العالي

زوجتك

فاطنه أحمد عبد الغقار

جبلايه الفار

***

أسوان

الرساله 3

الجوهره المصونه

والدره المكنونه

زوجتنا فاطنه أحمد عبد الغفار

يوصل ويسلم ليها

في منزلنا الكاين في جبلاية الفار

أما بعد ..

فهذا تاني خطاب ..

باعتين طيه ما قدرنا المولى عليه ..

وعنبعتلك في ظرف الجمعه .. طرد

الطرحه والجزمه بتوعك ..

وكساوي عزيزه وعيد .

دورت الحسبه ف راسي وقلت يا واد يا حراجي ..

هو يعني قانون العيل ما يدوقشي الكسوه ..

غير في العيد ؟

أمال كيف العيل حيحس أبوه جنبه

إذا كان الأب .. بعيد .. ؟

بقى أول ما دلقنا يا فاطنه بابور السد على محطة إسوان

أنا والجدعان

حسيت بالدوخه

مش أول مره باسيب جبلاية الفار .. ؟

رحنا المكتب

طبعنا البطاقات ..

ومضينا على الورقات

أه يا (( فطاني )) لو شوفتي الرجاله هْنِهْ

قولي .. ميات .. أولوفات ..

بحر من ولاد الناس ..

إللي من (( درجا )) واللي م (( البتانون ))

واللي من (( أصفون)) و (( التل))

جدعان .. زي عيدان الزان .. سايبن الأهل .

وتطلي في عين الواحد يا ولداه ع الغربه ..

عارفه يا مرتي الراجل في الغربه يشبه إيه .. ؟

عود دره وحداني .. في غيط كمون ..

حسيت بالخوف ناشع في عروقي زي البرد .

قضينا الليله الأولانيه في أي مكان .

العين مشقوقه..

والبال ..

زي الغله اللي بتسرسب من يد الكيال

وندهت عليكي قلت : انا بنده

امعاني ؟

سامعيني يا عيال ؟

النبي لولا الخوف واللومه من الرجاله ..

لاركبت القطر وعدت

قبل ما أروح لموظف

قبل ما أرد سؤال.

وقعدت أعقل نفسي وأقول : يا حراجي يا بوي

أمال جيت ليه ؟

الخايف من الغربهة ما يجيش

اتحمل علشان كسوة عيد .. ورغيف العيش

لكإنك ياخي رحت (( الديش ))

من خوفي يا مرتي

قعدت أهدي الرجاله .

فاطنه ..

أول ما تفكي الخمسه جنيه

اطلعي ع الفور ..

وإدي حساب (( عمران )) وجنيه (( بمبة الصباغ ))

والباقي زيحوا بيه القارب

لما يعدلها الرحمن

سلمى ع الوِلد .. وع (( الحاج التايب ))

بلا كتر كلام ..

سلمي على كل اللي لينا فيهم نايب ..

وإوعي يا فطنه لما ارجع وأبص ف وش اللولاد ..

أعرف إن أبوهم كان غايب .

وإحنا هنا بنستنى الجوابات بفروغ صبر

طول ما الجوابات رايحه وجايه .

اعتبري كإني باجي أشوفك..

واجى .

زوجك لاوسطى حراجي

***

أسوان

زوجي الغالي

لاوسطى حرجاي القط

العامل في السد العالي

جبلاية الفار

الرسالة 4

وصلنا الطرد وجانا المبلغ يا حراجي ..

أحياك الرب وأبقاك ألفين عام ..

ولا عاد يقطعلك عاده ولا حس..

ولا يقفل لك كف ..

ولا يطوي من قدامك سجادة الخير والسعاده ..

اما بعد ..

فإحنا وزعنا المبلغ زي ما قلت..

ولعلك ما تشغلش بالك فينا وتبقى في راحة بال ..

إحنا يا حراجي – بعيد الشر- إن ضاقت بينا الحال يكفينا ريال

كفايه علينا البسطاوي الظهر يخطي عتبة الدار

غمبارح .. جانا (( الشيخ قرشي )) .. وخبط ع الباب ..

جه ساعة المغرب

قاللي لا بدن ما نبص لعيد ..

قاللي : (( يا بت المرحوم ..

الواد لازمه الكتاب ..

يو السوق ..

إتدلي هاتي له قلمين بوص .. ودواية .. ولوح )) ..

وضحك .. بعدين قاللي : (( لاحسن يطلع لوح ))

وأنا بيني وبينك يا حراجي عاوزاه يكبر

ويعوضنا عن الأهل ويعمل لنا قيمه ..

عاوزاه تكون قيمته ف جبلاية الفار قيمة القيمه ..

اللي بتقوله عن أسوان يا بوعيد ..

حكايه ولا حكايات أبو زيد ..

هيا يعني .. مش زي بلدنا .. ؟

أمال ناسها بيسووا إيه .. ؟

ما بيشتغلوش ليه ؟

وإنت .. طول عمرك راجل صاحب فاس

فهمهاني دي

لاحسن عامله في راسي زي الخبطه ..

كيف صاحب الفاس يصبح أوسطى .. ؟

صاحبك (( تكروني )) لما أتى بالطرد ..

شيعنا معاه الموجود ..

...............................................

في الليل يا حراجي تهف عليا ما عرف كيف ..

هففان القهوه .. على صاحب الكيف ..

وبامد إيديا في الظلمه ألقاك جنبي ..

طب والنبي صُح ومش باكدب يا حراجي .

وباحس معاك إن الدنيا لذيذه .

كيف حال (( عبد العال التابه )) و (( على اب عباس ))؟ ..

وقوللي يا حراجي ..

بتاكل كيف . ؟ وبتلبس إيه ؟ وبتقلع إيه ؟

بتنام فين ؟

قاعد في المطرح مع مين ؟

مين اللي بيغسلك توبك

وبتتسبح فين .. ؟

...............................................

في نهاية القول ..

أنا رح أشيع عيد ع الكتاب ..

فا إبعت له ووصيه على شد الحيل ..

وجميع الناس في الجبلايه

عايزين لك كل سعاده وخير ..

وبيتمنولك تاني ترجع في السلامه ..

تعمر مصطبتك ..

وتقيد اللنضه في الدار ..

زوجتك

فاطنه أحمد عبد الغفار

جبلاية الفار

***

الجوهره المصونه

والدرر المكنونه

زوجتنا فاطنه أحمد عبد الغفار

يوصل ويسلم ليها

في منزلنا الكاين في جبلاية الفار

أسوان

الرساله 5

مشتاق ليكي شوق الأرض لبل الريق ..

شوق الزعلان .. للنسمه .. لما الصدر يضيق

مشتاق .. وإمبارح ..

قاعد .. قدامي عِرق حديد.. وف يدي الفحار ..

غابت عن عيني الحته اللي أنا فيها..

وغابوا الأنفار

تحت النفق .

الضلمه يا فاطنه

بتساعد على سحب الفكر

..

تلاقيكي ولا عارفه الأنفاق.

ولقيت نفسي يا فاطنه طيره مهاجره

والطيره جناحها محتار

ولقيت نفسي على بوابة جبلاية الفار ..

باخد الأحباب بالحضن

كانس كل دروب الجبلايه بديل توبي

طاوي كفوفي وباخبط بيهم على صدر الدار

قلتلي لي مين ؟

مسيت الدمعه ف حزنك بإيدي..

مسيت الدمعه اللي ف حزنك ..

ماعرف خدتك في حضاني ولا إنتي خدتيني ف حضنك

وعزيزه وعيد حواليا بيشدوا الجلابيه

ويشموا ف غيبتي وفي إيديا..

وقعدت بيناتكم .. وبكيت .. وضحكت

لما لمحت عصايتي وتوبي .. وفاسي .. ومداسي

يمكن ساعه .. وقف اللمهندس على راسي ..

ولمس كتفاتي بصابعه .. قمت لفوق ..

طبطب على كتفي ..

وخدني من يدي بره النفقات في النور ..

ضيعنا نص نهار ..

وسألني .. قلت الشوق

قاللي إسمع يا حراجي أقولك ..

ويا فاطنه قعد يحكي ويتكلم ..

ألقط كلمه وميه تروح ..

وكلام .. م اللي يرد الروح ..

وحكى لي عن أسوان والسد ..

وحكى لي عن اللفرنج وعن حرب المينا..

في الجوابات الجايه يا فاطنه عاقولك وإحكي لك ..

اما عن نفسي .. فأنا لا بخيل ولا شي ..

كيف اللي ف قلبي بس يا ناس .. أرويه في جواب .. ؟

أما عن عيد ..

فأنا من بدري يا فاطنه قلت يروح الكتاب ..

وأقل ما فيها ..

عيفُك الخط ويحفظ له كام سوره

والأمر ده بس يا فاطنه يعوز شوره .. ؟

على خيرة الله ..

ووصلنا فطيرك ..

قعمزت ما بين الرجاله وكلناه ..

يعني أنا دقته .. ؟

والنبي بعنيا قعدت أتفرج ع الرجال بياكلوه

كنا طالعين م الشغل نشر عرق ..

بت يا فاطنه ..

النبي في الدنيا .. ما فيه واحده بتسوى فطيره زيك ..

شفت ده في عنين الرجاله ..

سلاماتي لكل اللي يقولك شحوال حراجي

وسلامي لعزيزه وعيد ..

أما نه عليكي لحين ماجي ..

زوجك

لوسطى حراجي

***

أسوان

زوجي الغالي

لاوسطى حراجي القط

العامل في

السد العالي

جبلاية الفا ر

الرساله 6

أما بعد ..

فنعرفكم .. إحنا بخير ..

ولا يلزمنا إلا رؤية وجه الغايبين ..

(( مرزوق البسطاوي )) .. مرته وضعت .. حدفت ولدين

وجوابك وصل الجبلايةإمبارح ..

لكن مرزوق .. ما سرحشي غير اليوم ..

وما دنتو في صحه وعال ..

إحنا ما يلزمناش .. أكتر من ورقه في ظرف ..

ناس الجبلايه كبيراً وصغيراً عاوزين رؤياك .

قوللي يا حراجي بحق ..

عامل كيف بس ف ليل الفرقه .. ؟

واللهي ما خش دماغي حاجه من اللي كاتبه في الورقه ..

ويا خوفي عليك ..

بيقولوا فيه ناس .. ماتوا في اللي إسمه السد ..

طمنا عليك يا حراجي .

.........................................

قسمنا مع بيت العطار .. بلح النخله الشرك ..

إذا كان لازمك منه يا حراجي .. إبعت قول ..

مش راح تاجي .. ؟

طالقالك في البيت فروج ..

علشان لما تعود م الأسوان دي .. تلاقي لك حتة لحم ..

وإم (( علي أب عباس )) مشغوله عليه ..

بدري ما راسلهاش ليه ؟

أهي طول اليوم .. قاعده على العتبيه إيد على خد ..

وماسمكه عود قش بتبكي وتخطط في تراب الدرب ..

طمنا عليه يا حراجي يرضيك المولى ..

وإذا كان عال وف خير ..

الضحك مع الجدعان .. ولا رساله لامه المشغوله أولى .. ؟

قلب الأم أصابه الشوق يا بوعيد ..

يبقى أسخن من رمال القياله لما يقيد

يبقى عش خراب بيسرخ على طيره ..

وعلى أب عباس عارف أمه ..

مالهاش في الدنيا غيره ..

وإمبارح كانت وسط الحريمات ..

قاعده تمسح دمعتها .. ف طرحتها وتقول :

اللي مانعني من الموت ..

اليوم اللي أشوف (( علي )) فيه متهني وفاتح بيت ..

يومها أقول للدنيا ضحكت عليكي

خلاص غوري ..

قولله يشيع يا حراجي .. الناس زعلانه ..

كل الجبلاي واخده في خاطرها منه ..

وإمه عنيها كستها الدخانه ..

أختك (( نظله ))

رجعت بيت الحاج ركابي إمبارح من (( درجا ))

قالت جايه تريح عند خالاتها وحتولد في اللي يهل ..

يا حراجي .. جوابك بيرد الميه للزور الناشف ويبل .

ده إحنا عايشين هنا ع السيره ..

وزادنا الأخبار ..

زوجتك

فاطنه أحمد عبد الغفار

جبلاية الفار

ISIS © 2008 Por *Templates para Você*