الخميس، 28 أبريل 2011

حابب

حابب تقرب من قلبى

قرب وأدخل جواه

حابب تقول اللى ف قلبك

قوله دأنا باتمنـاه

دانا قلبى واهبو للمحبـة

وكل عاشق بقلب صافى

يميل له قلبى أعشقه وأهواه

وأشيله ف قلبى من جواه

عشق القلوب إن قدر عافى

لو حنة فى الكفوف دافى

لو أتوشم ع الأيدين يعافى

وكافي فى لم القلوب كافي

ياشـهد على عسل صافى

قربى ماتخافى

دانا حابب

********

حابب أشيلك على صدري

وأحمـلك على كتـافى

وإن ماضميتك لحضنى

حضن الحبيـب دافى

ياشهد على عسل صافى

قربى ماتخافى

دانا حابب

********

حابب أصبـح ع الوشوش

اللى باتت تعشش على خلها

وأحب أطبطب ع الصبـية

اللى عنها تغيب تئـامن لها

ياشـهد على عسل صافى

قربى ماتخافى

دانا حابب

********

حابب أقول دا القول لأهله

وقلب الزين يازين أهـله

بيدور ع العشق وبيندهله

فى قلبك الخير وتستاهله

ياشهد على عسل صافى

قربى ماتخافى

دانا حابب

********

حابب قلبى يشوف وعده

يـافرحة عمرى وسـعده

لجلك العشـق يفوق حده

دانا عاشق حبيبتى مد يده

ياشـهد على عسل صافى

قربى ماتخافى

دانا حابب

********

حملة ترشيح د / عبد المنعم ابوالفتوح رئيسا للجمهورية

الأربعاء، 27 أبريل 2011

قصة الحكيم والعقرب


? جلس عجوز حكيم على ضفة نهر ..
وراح يتأمل في الجمال المحيط به ويتمتم بكلمات..
وفجآة لمح عقرباً وقد وقع في الماء .. وأخذ يتخبط
محاولاً أن ينقذ نفسه من الغرق ؟!

??قرر الرجل أن ينقذه ..
مدّ له يده فلسعه العقرب .. سحب الرجل يده صارخاً
من شدّة الألم ..
ولكن لم تمض سوى دقيقة واحدة حتى مدّ يده ثانية لينقذه..
فلسعه العقرب .. سحب يده مرة أخرى صارخاً من شدة الألم ..
وبعد دقيقة راح يحاول للمرة الثالثة ..
على مقربة منه كان يجلس رجل آخر ويراقب ما يحدث ؟؟
فصرخ الرجل: أيها الحكيم، لم تتعظ من المرة الأولى
ولا من المرة الثانية .. وها أنت تحاول إنقاذه للمرة الثالثة؟
لم يأبه الحكيم لتوبيخ الرجل ..
وظل يحاول حتى نجح في إنقاذ العقرب ..
ثم مشى باتجاه ذلك الرجل وربت على كتفه قائلاً: يا بني ..
من طبع العقرب أن "يلسع" ومن طبعي أن "أُحب واعطف"
فلماذا تريدني أن أسمح لطبعه أن يتغلب على طبعي ?

الحكمة
عَآمِل آلنَآس بطبعِكْ لآ بآطبآعهِمْ ،
مَهْمَآ كَآنوآ ومهمآ تعدَدَت تصرفآتهمْ آلتيّ تجرحكْ
وتُؤلمكْ في بعضْ آلآحيّآن ،

ولآ تَآبَه لتلكْ آلآصْوَآت آلتي تعتليّ طَآلبة منكْ
آن تتْرك صفَآتكْ آلحسنةْ لإن آلطرفْ آلآخرْ
لآيستحقْ تصرفَآتك آلنَبيلة؟

الثلاثاء، 26 أبريل 2011

وحشتيني

وحشتيني..

وبُعدي عن عنيك السودْ..

على عيني .

وحشتيني ..

وشوقي كل يوم بيزيدْ ..

لأحلى خدودْ..

تزينها نجومْ وورودْ..

وصوتكْ لو يصحيني.

وحشتيني.

وحشني الهمس في همسكْ .

ونبض الحب في حِسِّكْ .

وغيرتي لو نسيم الصبحْ ...

يا عمري...

في يوم مسِّكْ.

أنا بكره اللي جاي ليكِ

أنا يومكْ .

أنا أَمسكْ .

وبعدي عن دفا قلبك بيكويني

وحشتيني

بجد بقول وحشتيني

و شيء يرضيك يرضيني .

وتفديكِ عيون القلبْ ..

تفديكِ شراييني

وعين ما شافتشْ غير حسنكْ .

بتشهد لكْ ..

وكل الكون بيشهد لكْ ...

بإنكْ شمس في جبيني .

وحشتيني

ولما في يوم أعود ليكِ

وأحط اديا في إديكِ

وابدأ خطوتي بيك ..

وأضمك ضمت المشتاق ..

تضميني.

وترويني .

ومين غيرك هيرويني

ومين زيك هيسقيني

وأنا العطشان و طال بعدي

و حبك أغلى شيء عندي

يا ست الحسن يا حبي

الخميس، 21 أبريل 2011

جد فـ هزار وهزار بجد

انا يوماتى

بازعق واهاتى

وانت اللى شارد

بقلب بارد

ما سمعت رد

خايف لا تضرب

ما اقدرشى أهرب

والحاره حارتك

رهن لإشارتك

والحاره سد

عديت مصايبك

انت وحبايبك

وزهقت عد

يابن اللذين

بتهد فينا

ما شبعت هد

الله يعينا

شابت سنينا

مبهدلينا

عرق وكد

وانت سنينك

مصغرينك

بشعر فاحم

ووش شد

لوكنت فاهم

ح احلف بدينك

انا مش بادينك

ده هزار ياعالم

ما اقصدش حد !!

ما اقصدش حد !!

الأربعاء، 20 أبريل 2011

حددي

حددى قبــل ماتبــتدى

ناوية تقربى ولا هاتبـعدى

دأنا كل جرح ف قلبى راق

لما قلبى لقلبـك هـدى

وجروحنـا لازم تنتهى

النـاس عـلادى ودى

محدش بين البيـنيـن

كداب اللى ببــاليـن

لاهنا له قلب ولا باله هدى

لـو قـد الوعـد أوعدى

خايفة ومش ناوية أبعدى

لحـد ما تتأكدى و حددى

نسـيت اللى فاتنى حبيبتى وبأبتدى

لاتعيدى معايا ماضى ولاحتى تجددى

لا أتكلم فيه ولا تتـكلمى

لا تـألمينى ولا تتـألمى

مادمنا هاننسـى ونبتدى

دا أنا قلبى بقلبـك رضى

من وأنتى بتمهـــدى

و حسـيت بجـــراح قديمة

لسـاكى عطيـالها قيمة

م أنا قلبى مليان جـراح

وجـروحنــا لازم تنتهى

النــاس عــلادى ودى

محدش بيـن البيـنيـن

كداب اللى ببــاليـن

لاهنا له قلب ولا باله هدى

لـو قـد الوعـد أوعدى

خايفة ومش ناوية أبعدى

لحـد ما تتأكدى و حددى

ماعشـقـش قلب وبال صاحبه هدى

مانقولش قرب وألقــاكى بتبــعدى

وتتوهى منى ف ذكرى من ماضيكى

وأنـا كل أمـلى أنى أرضيـكى

مشـوارنا حبيبـتى مش لحظة وتنتهى

مشــوارنا مشـوار سـنين

بأبتديه وأنا كلى حنيــن

حنيـن ياخدنـــــــــــا للأفـراح

ما أنا قلبى مليــان جـراح

وجروحنــا لازم تنتهى

النـاس عـلادى ودى

محدش بيـن البيـنيـن

كداب اللى ببــاليــن

لاهنا له قلب ولا باله هدى

لـو قـد الوعـد أوعـدى

خايفة ومش ناويـة أبعدى

لحـد ما تتأكدى و حددى

أدى قلبى حبيــبتى وأدينى

زى ما يحـلا لك خدينى

خـدينا لأحلام الســنين

خدينــا وأحنا محددين

ملامح عمر بيبتدي وحددى

الثلاثاء، 19 أبريل 2011

حصل اللى حصل


حصل اللى حصل

وعشان مانقولش

دا كان وحصل

لاتقولى مر ولا تقولى عسل

الأيام هاتمر

وهاننسـى اللى حصل

لا اللى كان حب

ولا الحب حصل

مش هانفضل زى م أحنا

يروق لى جرح

نتـوه فى محنه

لا أنا شهر زاد لياليك

ولا شهريار يليق عليك

تضرب بخضوعى المثل

*****

كنا أتنين عن بعض غرب

واللى بيننا ماكانش قرب

تقدر تسميه بمعرفتك

أى شئ غير انه حب

وصعب ان أحنا نكمل

ومش هاأكدب ولاهأتجمل

وأرجع فى هواك أتحمل

مش هانفضل زى م أحنا

يروق لى جرح

نتـوه فى محنه

لا أنا شهر زاد لياليك

ولا شهريار يليق عليك

تضرب بخضوعى المثل

*****

كنت أقيدلك صوابعى شموع

وتغرقنى فى بحر دموع

كنت فارد لك قلبى قلوع

خليت الخيانة شئ مشروع

وصعب ان أحنا نكمل

ومش هاأكدب ولاهأتجمل

وأرجع فى هواك أتحمل

مش هانفضل زى م أحنا

يروق لى جرح

نتـوه فى محنه

لا أنا شهر زاد لياليك

ولا شهريار يليق عليك

تضرب بخضوعى المثل

*****

حصل اللى حصل

وعشان مانقولش

دا كان وحصل

لاتقولى مر ولا تقولى عسل

الأيام هاتمر

وهاننسـى اللى حصل

لا اللى كان حب

ولا الحب حصل

مش هانفضل زى م أحنا

يروق لى جرح

نتـوه فى محنه

لا أنا شهر زاد لياليك

ولا شهريار يليق عليك

تضرب بخضوعى المثل

الاثنين، 18 أبريل 2011

شملول بقى شاعر

شملول بقى شاعر

وبيكتب شعر

بيرص كلامه

بفلوس وبسعر

وفضائياتنا تذيـع

سى ديهات وتبيع

ومطابع كبرى بتنشر

منشار م اللى بينشـر

فى رقاب الناس وعقولهم

م الوهم اللى يبعهولهم

متلحن بالهشتك بشتك

وامان يالا لالي امان

شوطه ومتخلي

شملول وبتوع السيما

وفياجرا العيشة النكديه

ومصيبه لودان مُصغييه

من ولد ولا صبيه

ولا عواجيزنا المتصابيه

******

شملول في شوارع ليلنا

بيحلق على خيبه تجيلنا

يزرعها تقاوى لجيـلنـا

والكل يقولك جيلنا

وبلاوى عمالا تجيلنا

تتنينا وفي الأخر ميلنا

وشعراء الغنوة المضروبة

بيقولك غنوة ومطلوبة

والناس عمالا تصقف

يابلدنا وشعبى المستهدف

بعرايا ورقصة خليعة

بتصيدة حتة تقليعة

ماتقولش يازمن السميعة

طراحة تقاوى الزريعة

النبته من أرض وضيعة

وشملول مش عايز يرحل

ويسيبنا لزمن السميعة

شملول لو تعرف أصلة

صندوق ورنيش في مفاصله

ع الكورنيش م العتبه لشبرا

كشـك جرايد صفرا

على خضرا فى زرقا فى حمرا

بقى شاعر

مش شاعر بينا

لعيب وبيلعب بينا

شملول بيقابل شملوله

واتساعات المدى مقفوله

قال: للغـوله ياغوله

ياست الكل ياحاضره

هافتح صالونين

تصفيف للشعر.

وأخر لحنين

دى مياصه وجعر.

وهاعمل لقائين

ع الغنا والنعر.

وهاكتب كتابين

ع الزنا والمهر.

وعندى رسالتين

للجوع و القهر

وجنابك راح فين

من فوق النهر

وفاضل كتابين

على آخر الشهر

وها ألم القرشين

م الضنا والضنك

وهاضيف حسابين

طوالى في البنك

الوكسه وكسانى

والفالته ف لسانى

والخيبه عجبــاني

ضحكت له الغوله

وقالت:

وأيه كمان؟؟

ياشــملولي

كمــان ؟؟

***

( شملول بقى شاعر

وبيكتب شعر

بيرص كلامه

بفلوس وبسعر )

الأحد، 17 أبريل 2011

عيون بهية

يا بهيه

يا حبيبتي

كل يوم صورتك حاططها جنب صورتي

عمري ما نسيتك في لحظهْ

و ان حجبني الف سور .

أصل شمسك كات بتزرع

في ضلام العمر نور

كنتِ زي الفجر يطلعْ

من كهوف العتمه أنصع

وشك المليان حنان

قلبك المليان أمان

و فـ وريدك نهر يجري

نهر ينبع مـ الجِنان

بيناديني يلا اعبر

حطم الأسلاك و كبّر

حوش بهيه و عنها دافع

و اوعى تثنيك المدافع

جيت يا مصر و عمري يوم ما بعدت عنك

جيت و رامي سنين أسى عمري في حضنك

جيت و شوقي يا حبيبة فـ العيون

جيت بسيف النصر شايله فـ اليمين

و فـ شمالي ..

شايل القلب الكبير

الخميس، 14 أبريل 2011

بتضحك لي


باحسّ الدنيا بتغني و تضحكلي

و تفرش لي

بساط أبيض من التلّي

و بتقوللي

عليه إمشي

عليه وردي ، عليه فلّي

و غيمة عشق ممدوده

عشان تحميك من الشمس اللي فوق راسك

و أنفاسي

في عز البرد حراسك

و تضحك لي

با حسّ الدنيا تضحك لي

و بتجيني

و تبدر ضيّها ف . عيني

أشوف نورِك على جبيني

و حبِّك في شراييني

أقول من قلبي سامحيني

و دايما ع. الغريب طلّي .

أنا امبارح

و انا بكره

و عمر الشوق ما كان ذكره

و لا فكره ..

على الخاطر بتمحيها قوام غلطه

و عمره ف. يوم ما كان كلمة بنكتبها

و لا نقولها

بدون إحساس

و لحظة طيش بنمسحها من الكراس

و نفضل بعدها ف. ورطه

دا عهد كبير بيربطنا

بميت ربطه

و لحظة صدق بنعيشها بتحييني

أسامحك لو تجافيني

و تضحك لي

كتير لو يوم تسامحيني

ليه تشغل بالك

ليه تشغل بالك على بكره و تبكى عليه

مين عارف حيكون إيه

اضحك و افرح من قلبك و انس الدنيا و ما فيها

خلى الأيام تفرح بك و انت كمان افرح بيها

افرح بشبابك و اتهنى حتلاقى الدنيا بقت جنة

ليه تشغل بالك

ياما ناس يشوفوا أسية ايام و ليالى طويلة

و ف غمضة عين و الثانية ليالي هم تبقى جميلة

افرح بشبابك و اتهنى حتلاقى الدنيا بقت جنة

ليه تشغل بالك

الأربعاء، 13 أبريل 2011

ويلك ويلك


ويلك ويلك يامشتاق

من طول ليلك والاشواق

ويلك ويلك يا مشتقاق

ويلك ويلك يا مشتاق

من طول ليلك والاشواق

ويلك ويلك يا مشتاق

سبحت بحور طلعت جبال

عبرت سهول طويت رمال

سألت عليكم كل خيال

ما خليت شىء بغير بغير سؤال

سألت عليكم كل خيال

ما خلت شىء بغير بغير سؤال

اسأل حبايبى حبايبى فين

ويلك ويلك يا مشتاق

غريب الدار حزين محتار

ياولداه ياولداه

نهاره نار وليله مرار

وعقله تاه وعقله تاه

فى نهارى حيران القلب وفى ليلى مرتاح على جنب

فى نهارى حيران القلب وفى ليلى مرتاح على جنب

ويلك ويلك يا مشتاق

من طول ليلك والاشواق ويلك ويلك يا مشتاق

قلبى اه حيران ما عرفت راحه يوم

قلبى اه ياحيران مادقت راحه يوم

الا ما شفت حبايبى حبايبى ال فراقهم طال بى

فراقهم طال بى

ويلك ويلك يا مشتاق

من طول ليلك والاشواق

ويلك ويلك يا مشتاق ..

الثلاثاء، 12 أبريل 2011

كل ليلة وكل يوم


كل ليله وكل يوم أسهر لبكره

في انتظارك يا حبيبي

فكري طول الليل في ليلك والنهار

كله في نهارك يا حبيبي

يا ترى يا واحشني بتفكر في مين

عامل ايه الشوق معاك

عامل ايه فيك الحنين

سهرت السهر في عنيه صحيت المواجع فيه

كل ساعة وكل ليله وكل يوم

بعد ما اطمن عليك

كل ساعة وكل ليله وكل يوم

بعد ما اطمن عليك

ح يجيني نوم يا حبيبي

قوللي إيه حلو في حياتي و انت غايب عن عينيه

السهاد أنا فيه ليلاتي والبعاد طول عليه

يا حبيبي أنا من كتر اللي قاسيته وداريته عليك

موش بصدق اني اتحمل

في يوم فرحة لقا عينيًّ بعينيك

يا ترى يا واحشني بتفكر في مين

عامل إيه الشوق معاك

عامل ايه فيك الحنين

سهرت السهر في عنيه صحيت المواجع فيه

كل ساعة وكل ليله وكل يوم

بعد ما اطمن عليك

ح يجيني نوم يا حبيبي

كل نار تصبح رماد مهما تقيد

إلا نار الشوق يوم عن يوم تزيد

ابعت لي قل لي انت فين لو تقدر

بستني منك كلمتين مش أكتر

يطمنوني حبهْ عليك وع المحبه

يا ترى يا واحشني بتفكر في مين

عامل إيه فيك الحنين

سهرت السهر في عينيه صحيت المواجع فيه

كل ساعة وكل ليله وكل يوم

بعد ما اطمئن عليك

ح يجيني نوم يا حبيبي

كان قربك هنا وحنيه وليالي جميله هنيه

طار بي الأمل بجناحه ولمست النجوم بايديه

الدنيا بقيت مش هيه وف بعدك يا عيني عليه

وح افضل كده يا حبيبي استنى الليالي الجايه

يا ترى يا واحشني بتفكر في مين

عامل إيه الشوق معاك

عامل إيه فيك الحنين

سهرت السهر في عنيه صحيت المواجع فيه

كل ساعة وكل ليله وكل يوم

بعد ما اطمن عليك

ح يجيني نوم يا حبيبي

ISIS © 2008 Por *Templates para Você*