الخميس، 14 أبريل، 2011

بتضحك لي


باحسّ الدنيا بتغني و تضحكلي

و تفرش لي

بساط أبيض من التلّي

و بتقوللي

عليه إمشي

عليه وردي ، عليه فلّي

و غيمة عشق ممدوده

عشان تحميك من الشمس اللي فوق راسك

و أنفاسي

في عز البرد حراسك

و تضحك لي

با حسّ الدنيا تضحك لي

و بتجيني

و تبدر ضيّها ف . عيني

أشوف نورِك على جبيني

و حبِّك في شراييني

أقول من قلبي سامحيني

و دايما ع. الغريب طلّي .

أنا امبارح

و انا بكره

و عمر الشوق ما كان ذكره

و لا فكره ..

على الخاطر بتمحيها قوام غلطه

و عمره ف. يوم ما كان كلمة بنكتبها

و لا نقولها

بدون إحساس

و لحظة طيش بنمسحها من الكراس

و نفضل بعدها ف. ورطه

دا عهد كبير بيربطنا

بميت ربطه

و لحظة صدق بنعيشها بتحييني

أسامحك لو تجافيني

و تضحك لي

كتير لو يوم تسامحيني

0 التعليقات:

ISIS © 2008 Por *Templates para Você*