الخميس، 7 أبريل، 2011

صبح وتماسى

صبح وتماسى

والله مانا راسى

عقلى معايا ولا

أنا اللى ناسى

ياوخد ريحتك م العنبر

هلالى الجبين ومتعطر

ضحك الشفايف مسكر

قاعد فى قلبى ومسكر

صبح وتماسى

ليه خت عقلى م راسى

أنا بدى أعرف خلاصى

هاتبوح بسرك وتكمل

ولا هاتزيد عليا المآسى

الليل ماشافش اللى بيا

داريته ليبـان عليــا

ليلاتى ف عذابى بأتحمل

ويوماتى بيزيد أحساسى

صبح وتماسى

دى الدنيا لو نار ولعـانا

النار يـــاقلبى كـــويانا

فكر معاياف دنياناوتأمل

لحيل عليك أهلى وناسى

الليل ماشافش اللى بيا

داريته ليبـان عليــا

ليلاتى ف عذابى بأتحمل

ويوماتى بيزيد أحساسى

صبح وتماسى

الدنيـــا لو بحـــر وريـــــح

وشايفنى بعافــر جريـــح

خليــــك الأصيـل المتأصل

وخليـــنى آخد أنفاســـى

الليـل ماشـافش اللى بيا

داريته ليبان عليــــا

ليلاتى ف عذابى بأتحمل

ويوماتى بيزيد أحساسى

صبح وتماسى

ماعادش فاضل فيـا صبر

وعندك أنت للخواطر جبر

وجبر الخواطر على الله ماتهمل

لا صبح ولا تماســــى

الليـل ماشـافش اللى بيا

داريته ليبان عليــــا

ليلاتى ف عذابى بأتحمل

ويوماتى بيزيد أحساسى

صبح وتماسى

ياوخد ريحتك م العنبر

هلالى الجبين ومتعطر

ضحك الشفايف مسكر

قاعد فى قلبى ومسكر

صبح وتماسى

ليه خت عقلى م راسى

أنا بدى أعرف خلاصى

هاتبوح بسرك وتكمل

ولا هاتزيد عليا المآسى

الليل ماشافش اللى بيا

داريته ليبـان عليــا

ليلاتى ف عذابى بأتحمل

ويوماتى بيزيد أحساسى

صبح وتماسى

0 التعليقات:

ISIS © 2008 Por *Templates para Você*