الاثنين، 4 أبريل، 2011

وقعتك بيضة

ورزقك نصيبك سواد الليل

أيامك البيضة متكحلة بالويل

ودنيتك ميت فل وبيضة

بس غاوية الميل

من خطوتك الِعدلَه البيضة

اللي طريقها مِعََََوُجْ

لحظه بلحظة تنمل جسمك

تملا دماغك ُمُُُر مِحَوُجْ

وأنت ساعتها ها تشعر إنك صابب تيه

عقلك طاير وانت لا حولا

طير متشعلق في التحليق

فاكر نفسك ملك العالم

لما هاتمشي جنب الحيط

قلبك أبيض مش هايهم ولا رقيق

أنا رقعت هدومنا طريق بطريق

ولسه لحد اليوم مش لاقي طريق

يااخي هيق .. علي وقعتك البيضه

ودنيتك المليانه مخاليق

مابتفرقش إن كنت لواحدك ولا فريق

جسمك محشى بحتة آدمي وقلب حرير

مابيطلعش إن دقوا الطبل البلدي

وشعروا بضيق

قوم غيرهم ..

أعدلهم..

بدلهم وإن ماعرفتش

بدل فيك القلب الأبيض

بقلب جرئ

0 التعليقات:

ISIS © 2008 Por *Templates para Você*