الأحد، 10 أكتوبر، 2010

واخطفني

وكاتب لي

ياما في رسايل

وراسم لي

قلبك .. مش ساهل

متلوّن

بالأخضر .. عاشق

بيجنّن

اللون الرايق

.. وتملّي مرسوم في خيالي

خيال ..

لاكن دا خيالي

ح يحبك .. وقت ما يحلالي

و .. كاتب لي .. ياما في رسايل

ما بحبش

تيجي وترسمني

وتزعل ..

أفراحي ف عشي

أو تكتب

أحزان على وشي

فرّجني

على شيء غير عادي

على حلم ..

غير دا اللي قُصادي

فرّحني

طيّر أحزاني

واخطفني

من حزن الماضي

.. وتملّي

مرسوم في خيالي

خيال ..

لكن دا خيالي

ح يحبك

وقت ما يحلالي

0 التعليقات:

ISIS © 2008 Por *Templates para Você*