الثلاثاء، 22 مارس 2011

مش عارف (يوميات واحد اعرفه )

دي حاجه صعبه اوي !
ايه هيا ؟
اكيد الفراق
بقالي يومين مش بكلمها , بعد اما قلنا خلاص مش ينفع
هوا انا كده غلطت
ولا كان لازم اعمل كده
خلاص بقي مش فارقه , ما انا عملت وخلاص
بس هيا بردوا مش كلمتني
يمكن مش فارق معاها
او كبريائها مانعها
بس هيا بردوا لو بتحبني كانت كلمتني
كانت قالتلي لا مش حقدر , لا مش ينفع
مش تقولي خلاص براحتك
اللي انت عايزه اعمله!
ومهما عملت , بردوا انا لسه بحبها , ومش ححب حد غيرها
عارفين ليه
لاني معاها كنت انا
لاني معاها كنت بحس اني لوحدي في الدنيا
لاني معاها كنت بعرف السعاده
في عينيها , في ضحكتها , في لمستها , في همستها , في كل حاجه
حاجه مش تتوصف
انا كل ثانيه بفكر في كل لحظه وانا معاها
ياااااااااااااااااااااااااااااااااااااااااااااااااااه
مش قادر انسي
مش قادر استحمل البعد عنها دقيقه
مش قادر اعمل حاجه من غير ما افكر فيها
وبروح لها عند الكليه والبيت علشان المحها من بعيد
قلبي بحس انه بيرقص من الفرحه ساعه اما اشوفها
ياااااااااااااااااااااااااااااااااااااااااااااااه
نفسي اوي المسها , نفسي اوي اكلمها ,نفسي اوي اشوف ضحكتها , نفسي اوي اسمع صوتها
نفسي اووووووووووووووووووووووووووووووووووووووووي

0 التعليقات:

ISIS © 2008 Por *Templates para Você*