الخميس، 24 مارس 2011

مش عارف (يوميات واحد اعرفه )

من يوم السبت وانا بستني
بس باين كدا انه مافيش امل
مهما الواحد حاول انه يصلح في الدماغ الناشفه مش بيقدر
لانها ناشفه , ياريت تعرف انها غلطانه , ياريت تعرف اني حبي ليها كبير اوي
ومتهيالي انه مافيش حد حيحبها ادي , مع انها انسانه تتحب بس ده من ناحيتين بس
ده لو بصيت لها بطريقه ثلاثيه الابعاد , ناحيه فيها الرقه والطيبه والابتسامه الجميله ,
وناحيه فيها الرأي السليم والشخصيه , اما بقي الناحيه التالته فهيا تكبير وتنشيف الدماغ
وانا قصدي بتكبير الدماغ مش المعني اللي احنا عارفينه لالالالالالا , دي معني جديد خالص
وحصري بالنسبه لها , انها بتحسس الواحد انها بتكبر دماغها , يعني اي حد يشوفها يقول
دي مافيش في دماغها حاجه بتضحك والناس زعلانه او حتي تكون هيا ذات نفسها زعلانها
وشايله في نفسها اوي كدا , طريقه غريبه بس مستفزفه للناس اللي مش تعرفها , او حتي
اللي تعرفها زي كدا بس بردوا بزعل , اما بقي بالنسبه لتنشيف الدماغ فحدث ولاحرج
دي لو كبرت في دماغها ممكن تتبيع اي حد , ودي حاجه غلط , حتي اما انا قولت اني حسيبها
وكدا , انا مش عايز اسيبها لاني بحبها , بس مش عارف اعمل حاجه تانيه , تعبت والله
بس ياريت حتي لو هيا حتسبني ياريت تعرف اني بحبها ومش عايزها تزعل مني علشان قولت
اني حسيبها , مع اني زعلان اوي منها , بس اعمل ايه بحبها

2 التعليقات:

I have changed يقول...

يا تري هو ايه معني الحب اللي في عقول بعض الناس ،غريب رأي صاحب اليوميات قال بيحبها وعايز يسيبها ،لأوايه عايزهامتزعلش علشان سابها سبحان الله

Unknown يقول...

ساعات الواحد ممكن يعمل حاجه هوا مش عاوز يعملها لمجرد انه يوصل فكره للشخص اللي عمل معاه الحاجه , ويفهمه انه في حاجات معينه هوا مش لازم يعملها.

ISIS © 2008 Por *Templates para Você*